Gikumpirma sa retired US boxing champion nga si Floyd Mayweather Jr. nga ang gipaabot nga rematch niini batok ni Manny “Pacman” Pacquiao usa lamang ka exhibition match.
Sumala pa niini, hangtod sa kasamtangan, wala pa mahibal-an ang venue o dapit diin ipahigayon ang maong engkwentro. Giklaro usab sa boksidor nga tungod kay exhibition lamang kini, dili kini makaapekto sa ilang tagsa-tagsa ka professional boxing records.
Gawas ni Pacquiao, gibutyag ni Mayweather nga aduna pa kini laing giandam nga mga exhibition fight batok sa kanhi heavyweight champion nga si Mike Tyson ug ang kickboxer nga si Mike Zambidis.
Sa pagkakaron, nagsugod na usab ang boxedor sa mga trainings alang sa maong mga engkwentro.
Kahinumduman nga napildi ni Mayweather si Pacquiao sa unang panag-abot niadtong milabayng 11 ka tuig.