Gipasalig sa aktres nga si Maxene Magalona ang kaluwasan human kini ma-stranded sa Dubai dungan sa nagkataas nga tensyon sa rehiyon.
Pinaagi sa social media account niini, nag-post si Maxene og mga hulagway sa kahimtang uban sa karelasyon nga si Geoff Gonzales.
Matud pa sa aktres, anaa sa “high alert” ang United Arab Emirates (UAE) tungod sa posibleng hulga sa airstrike ug drone strike gikan sa nasud nga Iran.
Bisan pa man sa kakulba sa sitwasyon, mapasalamaton ang aktres sa dako nga tabang sa negosyanteng si Elizabeth Digna Ventura.
Sumala ni Maxene, si Ventura ang nahimong dalan aron magpabilin kining kalmado ug luwas samtang nagpaabot sa sunod nga mga lakang sa ilang biyahe.
Sa pagkakaron, padayon ang pag-monitor sa mga otoridad sa dagan sa seguridad sa Dubai aron masiguro ang kaluwasan sa tanang residente ug turista sa maong dapit.