Martial law gipahamtang sa 8 ka rehiyon sa Thailand

Mideklarar ang gobyerno sa Thailand og martial law sa walo ka distrito duol sa utlanan sa Cambodian.Kini nunot sa nagpadayong panagbangi sa duha ka nasod tungod sa teritoryo.

Matud pa ni Thailand Acting Prime Minister Phumtham Wechayachai nga ipatuman gilayon ang mando.Gipasidan-an usab niini nga ang ikaduhang adlaw sa cross-border fighting tali sa duha ka nasud mahimong mahimong dugoon nga gubat.Kagahapong adlawa subling  nagbinayloay og bala ang Thailand ug Cambodia diin kahinumduman nga pipila na ka tuig ang panag-away sa duha ka nasud.

Tungod sa insidente, kapin sa 138,000 ka mga tawo ang gipabakwit gikan sa utlanan nga rehiyon sa Thailand.