Gitawag ni Senator Rodante Marcoleta si Orly Guteza nga “most credible witness” sa Senado tungod kay siya lamang ang nakadugang ug nakakonekta kang kanhi Ako Bicol Party List Representative Zaldy Co ug kanhi House Speaker Martin Romualdez. Matod sa senador, gigamit ang pamahayag batok kang Guteza isip rason aron ibalhin ang tinuod nga tumong sa iyang testimonya sa Blue Ribbon Committee.
Giprotektahan usab ni Marcoleta ang mag-asawang Curlee ug Sara Discaya nga nagbutyag sa irregularidad sa public infrastructure projects, bisan pa sa pagsulay ni kanhi Justice Secretary Jesus Crispin Remulla nga pugnagan sila sa Witness Protection Program pinaagi sa pagpangayo nga isauli ang kwarta. Matod sa senador, dili kini kinahanglanon sa proseso sa aplikasyon ug pamaagi lang aron malangan ang transparency.
Gibatikos ni Marcoleta ang mga mipasundayag nga Artificial Intelligence o AI lang ang video nga gi-release ni Co ug ang pagpatuman sa Ombudsman og dili angay nga requirements sa video statements nga nagpakita sa giingong kalabigitan ni Pangulong Ferdinand Marcos Jr. sa pag-apod-apod sa P100 bilyong budget.
Gipasidaan usab niini ang Independent Commission for Infrastructure kon ICI sa dili pagpublikar sa ilang pagdungog ug gitawag ang P1 trilyong pondo nga gikawat isip posibleng kinadak-ang pagpanikas sa kasaysayan sa Pilipinas.
Sa laing bahin, gibasura sa Malacañang ang pamahayag ni Zaldy Co nga naglambigit sa Presidente ug pipila ka opisyal sa gobyerno. Matod ni Palace Press Officer Usec. Claire Castro, walay kamatuoran ug dili motugma ang gibutyag ni Co ug kini dili angay seryosohon.