Gikuwestiyon ni Senador Rodante Marcoleta ang abilidad ni Batangas Rep. Leandro Leviste sa pagpasabot sa sulod sa gitawag nga “Cabral Files” taliwala sa imbestigasyon sa Senado bahin sa giingon nga anomalya sa flood control projects.
Sumala ni Marcoleta, wala sa “personality” ni Leviste ang motestigo bahin sa substansiya sa mga dokumento gumikan dili siya miyembro sa Department of Public Works and Highways (DPWH) ug wala kini hinanawan sa pag-andam sa mga report, konsolidasyon sa mga record, o sa mga dokumento nga may kalabutan sa budget.
Matud ni Marcoleta, nga limitado ang testimonya ni Leviste sa kung giunsa niya pagkuha ang mga dokumento, nga gikan unta sa opisina sa namatay nga kanhi DPWH Undersecretary Catalina Cabral.
Gikan sa legal nga panan-aw, dili angay nga si Leviste ang magpasabot sa sulod sa mga file.
Dugang pa ni Marcoleta nga adunay pipila ka opisyal sa DPWH nga nagdumili sa pag-kompirma sa pagka-valid sa mga dokumento.
Sa pikas bahin, nadismaya si Senador Rodante Marcoleta sa dagan sa pagdungog nga gihimo sa Senate Blue Ribbon Committee kagahapon may kalabotan sa dako kaayong flood control scandal.