- Advertisement -
Hingpit nang matapos karong Disyembre 22 ang kontrata sa Primewater dinhi sa Dakbayan sa Malaybalay ug andam usab ang Malaybalay City Water District nga musalo kung mapalagpot na kini.
Sumala ni Engr. Nolito Binahon, General Manager sa Malaybalay City Water District (MCWD) human maabot ang gitakdang petsa obligadong magpagawas og counter affidavit ang Primewater aron tubagon ang mga reklamo ug isyu nga gisang-at batok kanila.
Human niini, ang MCWD magpahigayon og hugot nga ebalwasyon sa ilang tubag. Saysay pa ni Engr. Binahon nga kon makita sa MCWD nga dili na angay nga magpadayon ang Primewater sa serbisyo sa syudad magpagawas kini og final termination of contract.
- Advertisement -