Gibarugan sa Malakanyang nga pork barrel free ang 2026 national budget.
Sumala ni Executive Secretary Ralph Recto, dili puwede nga manghila-bot ang mga mambabalaod sa implementasyon sa nasudnong pondo.
Gipanghimakak usab niya nga adunay papel ang mga pulitiko sa pag-apod-apod sa ayuda o bisan unsang pinansyal nga tabang, ug gisiguro nga hingpit kini nga sundon.
Mahitungod sa farm-to-market roads, ang Department of Agriculture ang naghatag sa listahan sa mga proyekto nga pondohan.
Ang Presidential Assistance to Farmers, nga giingon ni Sen. Imee Marcos nga usa usab ka klase sa ayuda nga misulod sa bicam, giklaro ni Recto nga nakaapil kini sa General Appropriations Bill (GAB) version aron masuportahan ang farm gate prices sa humay ug matabangan ang presyo sa bugas.
Gihangyo usab ni Recto ang mga nagduha-duha nga mawagtang ang patronage politics ilawom sa 2026 national budget.