Giklaro ug subling gihimakak ni Palace Press Officer Usec. Claire Castro nga suportado sa palasyo ang pagpalagpot kang Vice Pres. Sara Duterte.
Sumala pa kang Castro, walay kamatuoran ang nanggawas nga impormasyom nga ipadayon ni Pres. Ferdinand Marcos, Sr. ang impacehment case batok sa ikaduhang pangulo sa 20th congress.
Gani, walay bisan unsang pakigpulong o balita kining nakaylap nga kumpyansa ang administrasyong Marcos Jr. nga mapalagpot si Duterte. Sa pikas bahin, ginarespeto matud pa sa palasyo ang top 12 senatorial candidates nga nadaog sa baguhay lang miguwa nga resulta sa National ug Local Elections.
Sumala pa kang Castro nga angay respetuhon ang resulta gumikan ang mga senador nga nakadaog maoy gipili ug gibotaran sa mga Pilipino. Gani, andam ang administrasyon nga makigtambayayong sa mga bag-ong lider sa nasud.
Naglaom sab matud pa ang pangulo nga ang matag usa nga nakadaog, buhaton ug sulosyunan ang tanang mulo ug panawagan sa katawhan.
Gani, bisan unsang kolor, andam ug ‘welcome’ ang pangulo nga makighiusa sa matag lider aron sulosyunan ang bisan unsang problema sa nasud.
Natgbaw sab ang pangulo sa gipagulang partian and unofficial result sa mga senador nga mikandidato gumikan namatikdan nga ang mga gipiling senador dunay dignidad ug pagtuo alang sa nasud ug dili sa langyaw nga kanasuran.