Wala miuyon ang Malacañang sa panawagan nga usbon ang Saligang Batas (Konstitusyon) nga gisugyot ni House Minority Leader ug 4Ps Representative Marcelino Libanan.
Sumala ni Palace Press Officer Undersecretary Claire Castro, mas importante karon ang kabag-ohan sa batasan ug kasingkasing sa mga opisyal sa gobyerno kaysa sa pag-usab sa Konstitusyon.
Dugang pa ni Castro nga dili uyon si Pangulong Ferdinand Marcos Jr. sa panawagan nga constitutional change, ug giinsistir nga dili kini mao ang solusyon sa mga problema sa nasud.
Ang kinahanglan, matod pa niya, mao ang matinud anon nga mga lider nga tinuoray nga nagserbisyo alang sa katawhan.
Gibuhat ni Castro ang maong pahayag aron tubagon ang panawagan ni Rep. Libanan ug ni Sen. Alan Peter Cayetano nga magpahigayun og snap election isip solusyon sa mga isyu nga nag-atubang sa nasud.
Dugang pa niini nga aduna pa’y ubang mga balaod nga magamit aron masulbad ang mga problema sa gobyerno, basta tumanon lang kini sa mga opisyal ug epektibong ipatuman sa tanang lebel sa panggamhanan.