Hingpit nga gisiguro sa Malacañang ang kaandam sa pag-abot sa bagyong Uwan nga posibleng mahimong super typhoon sa mosunod nga mga adlaw.
Sumala sa palasyo, andam na ang mga ahensya sa gobyerno alang sa pre-disaster response, evacuation plans, ug relief operations aron masiguro ang kaluwasan sa publiko, ilabina sa mga rehiyon nga posibleng maigo sa bagyo.
Gipahinumduman usab ang lokal nga mga opisyal nga magpatuman o pagpasiugda og mga lakang aron malikayan ang dako nga kadaot ug peligro sanglit muabot ang gilaumang pagpanalasa ni bagyong Uwan.
Nagpasalig si Presidente Ferdinand Marcos Jr., nga dili niini pasagdan ang mga lugar nga apektado ug siguruon sa administrasyon nga makadawat og tabang pinansyal ug uban pang panginahanaglanana ang mga biktima.
Samtang, giingon sa Malacañang nga adunay igo nga pondo ang gobyerno alang sa relief ug rehabilitation efforts human sa bagyo.
Ang mga pondo alang sa emergency assistance, pagkain, tubig, ug temporary shelters andam na ug makapaabot dayon sa mga apektadong lugar.
Gipangayo sa palasyo ang kooperasyon sa mga LGU ug mga residente aron mapadali ang paghatod sa tabang ug malikayan ang pagkawala sa kinabuhi.
Kabahin niini nagpadayag ang pipila ka miyembro sa AsSEAN ug ubang nasud nga andam matud pa kini nga mutabang sa mga apektado sa bagyo apan sigon ni Palace Press Officer Claire Castro, wala pa nanawagan sa pagkakaron og tabang ang Pilipinas sa ubang nasud.