Gitambagan sa Makabayan bloc si Sara Duterte nga undangan ang gikaingong pagpakitang biktima ug ang padayon nga paghisgut sa alegasyon sa panagkunsabo nga adunay kalabotan sa imbestigasyon sa confidential funds.
Matud nila ACT Teachers Rep. Antonio Tinio, Gabriela Rep. Sarah Elago, ug Kabataan Rep. Renee Louise Co, dili tinuod nga gigamit isip political weapon ang imbestigasyon sa Kamara tungod pampublikong pondo ang confidential funds ug adunay katungod ang Kongreso ug ang katawhan nga mahibal-an kung giunsa kini paggasto.
Gipasiugda sa mga mambabalaod, nga aduna gihapoy mga pangutana kon “red flag” sa kadako sa pondo, sa kadasig sa pagpagawas niini, sa tumong sa paggasto, ug sa mga panalipod batok sa posibleng sayop nga paggamit.
Dugang pa niini, nga ang “unmodified opinion” sa Commission on Audit dili pasabot nga wala’y sayop sa paggasto, hilabi na kung limitado ang mga detalyeng gipadayag sa confidential spending.
Gihagit usab sa Makabayan bloc ang bise-Presidente nga moatubang sa hearing sa House Committee on Justice aron tubagon ang mga pangutana ug mapatin-aw ang paggamit sa maong pondo.