Midepensa ang aktres nga si Maine Mendoza sa iyang bana nga si Quezon City 1st District Representative Arjo Atayde, human kini malambigit sa giingong anomalya sa flood control projects.
Sa usa ka post sa X (kaniadto Twitter), gitawag ni Maine nga “walay basihan” ang mga pasangil ug iyang gihangyo ang publiko nga hulaton una ang kamatuoran ug dili usa mohukom.
Matud ni Maine, walay gibuhat nga dautan si Atayde ug tibuok kasingkasing kining nag-alagad sa iyang distrito.
Dugang pa niini, hinaot nga manubag ang tinuod nga responsable ug dili madani ang mga inosente.
Samtang, mipasalig si Atayde nga wala siyay kalabutan sa maong alegasyon ug miluwat nga wala kini koneksyon sa mga contractor o pagdawat og bisan unsang benepisyo gikan sa mga proyekto.
Nanumpa usab siya nga mogamit og legal nga paagi aron limpyo-on ang iyang pangalan.