Misurrender sa kasundaluhan ang magtiayonng lider nga kanhi miyembro sa rebeldeng grupo diri sa Bukidnon nga giiliang si commander Richard/Makong, 50 anyos, Officer sa SRC 1, NCMRC, ug lakip ang asawa niining si alyas Ensi, 50 anyos Finance Officer/SO, SRC 1, NCMRC.
Sa ekslusibong pakighinabi sa Bombo Radyo Malaybalay kang Lieutenant Colonel Jeorge R. Jallorina, Commanding Officer 8th IB, dugay na unta silang misurender apan nalangan ang pormal nga pagsurender gumikan naningkamot pa ang amahan nga makuha ang ilang kamagulangang anak nga naa pa gihapon sa armadong grupo.
Bisan wala kini magmalampuson, gipadayag gihapon ang pormal nga pagsurrender aron maka-avail sila sa amnesty ug E-CLIP programs sa gobyerno.
Apan gikasubo sa magtiayon nga wala mikuyog kanila ang ilang anak.
Gisurrender usab sa magtiayon ang lima ka high-powered firearms nga i-apil sa firearms remuneration program aron makatabang sa ilang bag-ong pagsugod sa normal nga kinabuhi.
Samtang nanawagan ang magtiayong high-ranking officials sa New People’s Army (NPA) nga unta mubalik na sa sabakan sa gobyerno ang ilang anak nga babaye aron nga mapahimuslan ang tanyag sa gobyerno aron makasugod ug bag-ong kinabuhi.