Nahimong bag-ong record holder sa Guinness World Records ang magtiayong Hapon nga sila Masao Matsumoto (natawo Hulyo 9, 1910) ug Miyako Sonoda (natawo Nobyembre 24, 1917) diin sulod sa kapin 80 ka tuig nga kaminyoon isip pinaka-tigulang nga buhing magtiayon uban sa gipag-uban nga edad nga 208 ka tuig ug 259 ka adlaw.
Nagminyo sila niadtong Oktubre 20, 1937 ug nakabaton og lima ka anak nga babaye, 13 ka apo, ug nagpaabot sa ilang ika-25 nga apo sa tuhod.
Adunay panahon nga dili malinawon pirmi ang ilang relasyon og nakasinati sila sa kalisod sa gubat, diin si Masao tulo ka beses gitawag sa serbisyo militar sa World War II ug mibiya kang Miyako nga nag-atiman sa duha ka gamay nilang anak.
Miuli si Masao sa 1946 nga nagluya, apan malipayon nga nakig-reunite sa pamilya.
Human sa gubat, naglisod sila sa pagkaon ug pagpangita og sinina, ug kanunay sila magbalhin-balhin tungod sa trabaho ni Masao.
Pagkahuman nga minyo na ang ilang mga anak, nakalibot na sila sa Japan ug sa gawas sa nasod.
Karun nagpuyo sila sa usa ka rest home diin aktibo pa gihapon sa mga kalihokan.
Sa ilang ika-80 nga anibersaryo, gitagaan sila og espesyal nga photo shoot nga susama nga nagkasal nga gihandom ni Miyako kaniadto.
Matud sa pamilya, ang ilang taas nga kinabuhi tungod sa kusog ni Masao ug sa maayong pagkaon nga giandam ni Miyako hangtod 98 anyos na kini.
Bisan dili na maayo ang panan-aw ni Masao, padayon gihapon siyang aktibo ug ang paghigugma sa pamilya.