Gimando ang evacuation sa pipila ka lugar sa Japan human sa kusog nga magnitude 7.6 nga linog nga miigo sa northeastern coast kagabii, nga misangpot sa tsunami warning.
Sumala sa Japan Meteorological Agency (JMA), nakasinati na og gagmayng tsunami ang ubang dapit. Naobserbahan ang 0.7m nga balod sa Kuji Port sa Iwate, ug 40cm sa Aomori ug Hokkaido. Gipasidaan sa Japan Meteorological Agency nga posibleng motaas pa ang taas sa balod hangtod sa 3 ka metros sa pipila ka baybayon.
Ang USGS mitaho nga ang episentro tuá sa 70 km gikan sa baybayon ug 33 km ang kalawmon. May nadawat nga report nga sunog sa Aomori, samtang adunay brownout sa Aomori ug Iwate. Suspendido usab ang high-speed train gikan Fukushima paingon Aomori, ug pipila ka expressway sirado.
Gipasiugda usab sa gobyerno nga walay abnormalidad sa Higashidōri ug Onagawa nuclear power plants. Padayon pang giinspeksyon ang ubang nuclear facilities. Si Prime Minister Sanae Takaichi mipadayag nga nagtinabangay ang national ug local authorities aron masusi ang kadaot ug ipatuman ang emerhensiyang lakang, subli nga ang kinabuhi sa tawo ang labing unahon.
Ang Japan kanunay makasinati og kusog nga linog tungod kay nahimutang kini sa Ring of Fire. Ang labing grabe nga linog sa kasamtangang kasaysayan mao ang 2011 Tohoku quake nga miresulta sa daku nga tsunami ug nuclear disaster nga mikitil sa kapin 22,000 ka tawo.