Mag-uumang 29 na katuig nga wanted sa kasong frustrated homicide, nasikop na!

Tingkagol karon sa bilanggoan ang ang usa ka mag-uuma nga 29 na katuig nga gipangita sa balaod atol sa gihimong operasyon sa kapulisan sa Purok-2, Barangay 1, Malaybalay City, Bukidnon.

Giila ang dinakpan nga mao si Silvano Revira Caliso, 65 anyos, minyo, ug residente sa Purok-4A, Barangay Aglayan, Malaybalay City.

Nasikop kini pinasikad sa Warrant of Arrest sa paglapas sa kaso nga Homicide with Frustrated Homicide diin adunay kini girekomendar nga pyansa nga P 20,000.

Apan sa eksklusibong pakighinabi sa Bombo Radyo Malaybalay sa dinakpan, si Caliso nagpahayag nga igo lamang nadamay sa maong kaso ug giingon nga ang responsable mao ang magulang niini kansa mitaliwan na.