Mag-uuma nga may kasong Highway Robbery, sikop sa Maramag, Bukidnon

Sikop sa mga otoridad ang usa ka 51-anyos nga mag-uuma sa Barangay North Poblacion kagahapong adlawa, human sa kapin duha ka dekada nga pagtago sa balaod.

Ang dinakpan naila nga si alyas “Cariaga”, residente sa maong dapit nga  nasikop pinasikad  sa warrant of arrest tungod sa paglapas sa Anti-Highway Robbery Law nga adunay girekomendar nga pyansa mobalor sa  Php 100,000.00 bugti sa temporaryong kagawasan.

Ang malampusong operasyon gipangunahan sa Talakag Municipal Police Station, kauban ang Bukidnon PPO ug RMFB 10. Sa pagkakaron, ang dinakpan anaa na sa kustodiya sa kapulisan alang sa saktong disposisyon.