Maestra sa France, gidunggab sa iyang estudyante sulod sa eskwelahan

Usa ka maestra sa art ang anaa karon sa kritikal nga kondisyon human gidunggab sa iyang 14-anyos nga estudyante samtang nagklase didto sa Sanary-sur-Mer, sa habagatang bahin sa France.

Sumala sa taho, kaduha o katulo gidunggab sa estudyante ang iyang 60-anyos nga maestra. Naka detenado na karon ang maong bata sa mga otoridad.

Matod sa prosecutor sa lugar, wala pay klaro nga rason o motibo sa pagpanunggab, apan giingong walay kalambigitan ang relihiyon o politika sa maong panghitabo.

Nipadayag na og suporta ang French Education Minister ngadto sa pamilya sa maestra ug sa tibuok eskwelahan nga nakasinati og grabeng kakuyaw tungod sa insidente.