Luxury brand, nga adunay ‘sunog sa plantsa’  nga desinyo, gibatikos tungod sa labing mahal nga presyo!

Giulan og  batikos sa social media ang luxury fashion brand nga Vetements human gipagawas ang usa ka white long sleeve polo nga adunay disenyo nga sunog  sa plantsa o iron burn.

Ang maong sinina nga gitawag nilang “White Ironing Burn Graphic Shirt” ug gibaligya sa kantidad nga $1,139 o kapin P66,000.

Sumala sa paghulagway sa brand, ang oversized polo gituyo nga butangan og scorch-like graphic sa atubangan sa dughan aron ingnon nga aksidenteng nnasunog  sa init nga plantsa.

Tungod niini, daghang netizens ang mibatikos ug nangutana kung nganong mahal kaayo ang usa ka sinina nga murag nasunog o naguba ang itsura.