Opisyal nga nalakip sa Guinness World Records ang lungsod sa Sumilao, Bukidnon isip co-host sa Simultaneous Bamboo Planting Event nga nakab-ot pinaagi sa pinakadaghan nga sabay-sabay nga pagtanom og kawayan sa nagkadaiyang lugar sa nasud, nga adunay 2,305 ka partisipante.
Kahinumdoman nga ang maong kalihukan gihimo niadtong Oktubre 18, 2024, diin gipaningkamotan pinaagi sa kolaborasyon tali sa Department of Science and Technology (DOST), Kawayanihan, ug sa suporta sa lokal nga kagamhanan sa Sumilao ilawom sa liderato sa alkalde nga si Venice Marie P. Villo, Municipal Environment and Natural Resources Office (MENRO), ingun man sa suporta ni First District Representative Cong. Joeman Alba. Lakip usab ang partisipasyon sa mga SK Chairpersons, Barangay Puntian Council, mga estudyante ug magtutudlo sa Pilar High School, FCI, ug 100 ka volunteer planters.
Misalmot usab sa simultaneous Bamboo Planting ang mga lugar sama sa; Brgy. San Isidro Talakag; Brgy. Sta. Fe, Libona; Long-ol, Sta. Ines, Malitbog; Brgy. Puntian, Sumilao; Brgy. Dalirig, Manolo Fortich; Brgy. Maluko, Manolo Fortich; Brgy. Kalasungay, Malaybalay CIty; NMACLRC, Malaybalay City; Barangay Alae, Manolo Fortich; Brgy. Pagatpat, CDO; Brgy. Mandangoa, Balingasag; Brgy. Awang, Opol; Brgy. Sta. Ana, Tagoloan; Brgy. Lanise, Claveria; Brgy. Gupitan, Kapalong, Davao del Norte; Brgy. Kapoc, Matanao, Davao del Sur; Poblacion, Carmen, North Cotabato; Simbalan, Buenavista, Agusan del Norte; ug Brgy. Calbugos, Villaba, Leyte.
Ang kalampusan usa ka dakong pasidungog sa lungsod Sumilao, sa mga lugar nga misalmot sa maong kalihokan ug sa nasud, isip simbolo sa panaghiusa ug paningkamot alang sa malungtarong pagpanalipod sa kinaiyahan.