Gipaniguro ni PLtCol. Alexander Eugenio, Hepe sa kapulisan sa lungsod sa Maramag nga nagpabiling Generally Peaceful ang lugar bisan-paman sa mga sunod-sunod natalang krimen ning milabayng mga adlaw.
Sa pamahayag sa maong opisyal, gitaho niini nga ang mga krimen sa pagpanunggab, ug uban pa, natigayon sa mga hilit nga lugar.
Nagmugna na matud pa sila karon og mga lakang aron nga makontrolar ang sitwasyon ug malikayan kini nga mahitabo pag usab.
Gani, padayon ang ginapatuman nga Mobile Patrolling, Oplan Bakal Sita, ug mga Checkpoints sa PNP aron nga mamonitor ang lihok sa katawhan ug mapugngan ang pagkuyanap sa mga krimen.
Hingpit usab nga gipalapdan nila ang koordinasyon ngadto sa mga Barangay Officials ilabi na sa Barangay Public Safety Officers (BPSO) nga maoy kaabag sa kapulisan pagresponde sa mga posibleng matigayong krimen o insidente.