Mipasiugda sa agresibong kalihokan ang probinsya aron pugngan ang paspas nga pagsaka sa kaso sa HIV, pinaagi sa pag-atiman sa mga sektor nga labing delikado matakdan sa sakit.
Subay sa gipatuman nga estratehiya, naglusad ang buhatan sa community-based activity nga nagtumong sa paghatud saktong impormasyon samtang naghatag serbisyo sa mga key population sama sa LGBTQ community, kabatan-onan, samtang giilang labing nanginahanglan sa atensyon.
Matud sa HIV Provincial Coordinator nga si Joseph Marben D. Gealon, kinahanglan masiguro nga kini nga mga sektor adunay hustong kahibalo aron malikayan ang pagkatap sa sakit.Gipasabot sa opisyal nga magpadayon ang komunidad sa sama nga kalihokan aron maprotektahan ang kahimsog sa katawhan samtang mapugngan ang dugang pagsaka sa HIV sa Bukidnon.