Lolo sa U.S., gitanyag nga ‘oldest kite surfer’ sa edad nga 87!

Gipamatud-an sa usa ka 87-anyos nga lolo sa Tampa, Florida nga “Age is just a number” human giila sa Guinness World Records isip “oldest person to kite surf.”

Si Rick Brackins, nagsugod sa maong sport niadtong 2006 atol sa iyang bakasyon sa Dominican Republic, aktibo gihapon nga mosakay sa balod sa edad nga 87 anyos ug 20 ka adlaw.

Kanunay pa siyang makita nga nakigsabay sa iyang anak ug apo, usa ka talagsaong talan-awon sa tulo ka henerasyon sa pamilya nga magkuyog og kite surfing.

Sumala sa iyang pamilya, nagsilbi siyang inspirasyon sa mga tawo sa baybayon nga magduha-duha sa pagkuha og lessons tungod sa katigulangon.

Gawas sa kite surfing, hilig usab niya ang diving ug spearfishing isip paagi sa pagmintinar sa iyang kahimsog.