Mitanyag og P200, 000 nga ganti ang lokal nga kagamhanan sa syudad sa Valencia alang sa bisan kinsang mahakahatag og impormasyon sa responsableng pagpatay sa usa ka menor-de-edad nga babayeng gipugotan og ulo sa Purok 1, Sitio Sinait, Barangay Dagatkidavao, Valencia City, Bukidnon.
Sa eksklusibong pakighinabi sa Bombo Radyo Malaybalay kang PCpt. Sheila Joy P. Jangad, tigpamaba sa Bukidnon Police Provincial Office, miluwat kini nga patay na ug wala nay ulo nga nakaplagan ang lawas sa biktima nga giilang si Jennifer Encarnacion, usa ka Grade 9 student sa Buco-Sinait Integrated School sa Barangay Dagatkidavao.
Matud ni Jangad, nakaplagan kini sa usa ka tubuhan sa, kagahapong adlawa, Enero 8, 2026.
Sigon nini, gireport nga missing ang biktima sukad pa kaniadtong Enero 6, 2026, ug katapusang nakita pasado alas 4:00 sa hapon sa maong adlaw.
Gikatahong usa ka 21-anyos nga lalaki ang unang nakakaplag sa lawas sa biktima sa tubuhan sa maong lugar, hinungdan nga gilayon kining gitaho sa mga otoridad ug kasamtangang nagpadayon ang imbestigasyon.
Samtang, dili mapugngan sa inahan sa biktima nga si Dina Encarnacion ang hilabi-ang kasakit ug kaguol tungod sa brutal nga pagpatay sa anak niini.
Padayon karon ang imbestigasyon sa kapulisan aron maila ug madakpan ang responsable sa krimen, samtang gihangyo usab ang publiko nga motabang pinaagi sa paghatag og impormasyon nga makatabang sa pagsulbad sa maong kaso.