Gipawala’y bili sa Professional Regulatory Board of Civil Engineering (PRB-CE) ang lisensya isip civil engineer ni kanhi DPWH Bulacan District Engineer Henry Alcantara tungod sa seryosong “unprofessional” ug “unethical conduct” kalabot sa giingong mga “ghost flood control projects.”
Base sa desisyon, napamatud-an nga adunay tulubagong administratibo si Alcantara sa pag-apruba sa pagpagawas sa pondo para sa mga “ghost project,” base sa Special Audit Report sa DPWH.
Sumala sa board, ang tinuyo nga pag-apruba sa pagpagawas sa pondo alang sa ghost project usa ka kalapasan sa Code of Ethics ug pagbudhi sa pagsalig sa publiko.
Aduna pay 15 ka adlaw si Alcantara aron mopasaka og “motion for reconsideration.” Kon pananglit isalikway kini, mahimo siyang moapelar sa Commission Proper sulod sa 15 ka adlaw gikan sa pagdawat sa resolusyon.