Ipatuman na ang luiqor ban ugmang adlawa, Mayo 11 sugod sa tungang gabii hangtud mahuman ang adlaw sa piniliay.
Hingpit sab nga gideklara ni COMELEC CHAIRMAN, GEORGE ERWIN GARCIA nga ipahamtang ang multa gikan sa usa ka libo hangtud sa 6,000 pesos, sa kang bisan kinsa nga mulapas sa maong protocol.
Lakip niini ang bawal nga pagbaligya, pag-inom, ug paghatag og ilimnong makahubog sa tanang pampubliko ug pribadong lugar atol sa giingong petsa.
Dugang pa mga mulapas niini posible nga maatubang og silot, lang makamulta apan lakip ang pagkabilanggo, subay sa balaod.
Subay niini, gipahimangnoan sa mga otoridad ang mga establisyemento sama sa bar, karenderia, ug convenience stores nga mosunod sa mando aron malikayan ang kalapasan ug kagubot nga may kalabutan sa pag-inom.
Dugang pa sa COMELEC, ang liquor ban usa sa mga paagi aron masiguro ang himsog, malinawon, ug matinud-anong eleksyon.