Lima ka indibidwal ang gidakop human matud pa misukol sa kapulisan atol sa demolisyon sa kapin 500 ka kabalayan nga natukod sa yuta sa Central Mindanao University (CMU), Musuan, Barangay Dologon,Maramag Bukidnon.
Sa pamahayag ni Herman Santillan, tigpamaba sa BUFFALO-TAMARAW-LIMUS Multipurpose Cooperative (BTL), dili tanan nga nadakpan miyembro sa BTL, kondili pipila ra sa Tamaraw group. Giangkon ni Santillan nga ang nadakpan nga usa sa lima kay ang iyang anak, ug gipaningkamotan lang niini nga mangutana sa kapulisan kung aduna bay legal nga dokumento alang sa demolisyon.
Gipanghimatuud pa ni Santillan nga wala misukol ang ilang grupo, kondili nangayo lang og klaro sa proseso. Matod pa niya, gilibutan og pulis ang ilang panimalay nga nakapakurat sa mga residente, ug wala matud pay tarong nga tubag sa ilang hangyo nga ipahimangno og tarong ang pagbungkag sa ilang mga balay.
Dugang pa niini, giingon sa mga residente nga nangayo sila og higayon aron maka-harvest sa ilang tanom apan gibaliwala kini sa mga otoridad