Hugot nga gipangandaman sa kapulisan sa Police Regional Office 10 ang pagpalig-on sa siguridad sa publiko sa Rehiyon atol sa Semana Santa pinaagi sa programang “Ligtas Holy Week 2026.”
Gibutyag ni Pmaj. Joann G. Navarro, Spokesperson sa PRO-10, nga gipakatap na ang mga personahe sa nagkadaiyang mga simbahan, pilgrimage sites, ug tourist areas sugod pa niadtong Domingo.
Gitinguha sa maong deployment nga masiguro ang hapsay ug luwas nga pagpahigayon sa mga misa ug uban pang aktibidad sa tibuok amihanang Mindanao.
Gipasabot usab niini,nga ang holy week dili lamang mahitungod sa mga aktibidades sa pagsaulog sa mga kalihukan mahitungod sa maong selebrasyon apan lakip usab ang pagdagsa sa mga turista sa nagkadaiyang lugar sa rehiyon.
Busa ang pagpangandam sa kapulisan, gihimo kini sa kapulisan uban ang tabang sa nagkalain-laing ahensya sa gobyerno ug mga force multipliers aron masiguro ang hapsay nga pagbiyahe ug bakasyon sa tanan.