Libro nga 50 ka tuig nang overdue, nakit-an sa usa ka thrift store sa England

Nakurat ang mga trabahante  sa usa ka library sa England sa dihang mitumaw pag-usab ang duha ka libro nga sobra sa 50 ka tuig nang overdue sa usa ka thrift store nga halos 60 ka milya ang gilay-on.

Sumala sa pahayag sa Leeds City Council, nakadawat ang Leeds Central Library og tawag gikan sa mga empleyado sa usa ka thrift store sa Beverley, East Yorkshire.

Gipahibalo niini  nga duha ka libro—Volumes I ug II sa Geology and Mineralogy ni Rev. William Buckland nga nakit-an sa mga donasyon nga gidala sa ilang tindahan.

Ang mga libro nga gisulat pa niadtong 1836 kay katapusang gi-check out gikan sa library niadtong Marso 1976, ug sukad niadto wala na gyud nauli.