Giduso ni Leyte Rep. Martin Romualdez ang House Bill No. 7942 (Cancer Risk Screening and Awareness Act) aron mamenosan ang kamatayon sa cancer pinaagi sa sayo nga deteksyon.
Tumong niini nga himuong libre ug institusyonal ang screening sa matag barangay, ilabi na alang sa breast, cervical, colorectal, ug prostate cancer.
Sumala ni Romualdez, base sa datos sa PSA, daghan ang namamatay tungod sa late diagnosis.
Dugang pa ang sayo nga pag-ila sa cancer dili lang makaluwas og kinabuhi, kondili makadaginot usab sa gasto sa pagpatambal nga sagad mokaon sa 30% sa kita sa usa ka pamilya.
Ubos sa maong balaodnon, bansayon ang mga Barangay Health Workers (BHWs) ug magtukod ang DOH og nationwide profiling system aron masubay ug matabangan ang mga pasyente sa tibuok nasud.