Naglaum si Batangas 1st District Rep. Leandro Leviste nga ma-authenticate na sa sunod nga semana ug ipahibawo sa publiko sa Ombudsman ang gitawag nga Cabral files.
Matud pa sa magbabalaod, base sa impormasyon gikan sa Department of Public Works and Highways (DPWH), anaa na karon sa kamot sa Ombudsman ang desisyon kon i-authenticate ba ang maong mga dokumento.
Saysay pa niini nga kon pananglitan dili ibutyag sa Office of the Ombudsman ang Cabral files, kinahanglan kini nilang ipasabut tungod kay giisip kini nga public documents ug daghan na usab matud pa ang naghupot og kopya niini.
Mahinumduman nga unang gibutyag ni Leviste nga ang maong kontrobersyal nga “Cabral files” adunay sulod nga listahan sa mga budget insertions ug mga proponents.
Ang maong mga dokumento gihuptan kaniadto ni kanhi DPWH Undersecretary Catalina Cabral, kinsa giingong naghatag niini ngadto kang Leviste sa wala pa kini mipanaw.