Nagpahimangno ang usa ka legal expert nga si Atty. Oscar Moreno ngadto sa mga sakop sa Kongreso nga magmabinantayon sa pagdumala sa impeachment proceedings batok sa mga taas nga opisyal sa nasud aron malikayan ang kasuko sa katawhan.
Sa exclusibong pakighinabi sa Bombo Radyo gibutyag ni Atty. Moreno nga kon mabatyagan sa publiko nga gimanipula ang proseso sa impeachment, posible kining muani og daghang reaksyon gikan sa komunidad, susama sa nahitabo sa EDSA Revolution ug EDSA 2 diin ang katawhan mismo ang nangita og kagawasan.
Saysay pa niini nga, dako ang iyang kabalaka nga basin unahon sa House Committee on Justice ang pagbasura sa mga reklamo pinaagi sa teknikalidad, sama sa pag-ingon nga “insufficient in substance,” aron dili na kini makaabot pa sa Senado.
Gipasabot usab niini ang lagda sa “one-year ban” diin kon mabasura ang usa ka impeachment complaint, dili na kini pwedeng pasakaan pag-usab sulod sa usa ka tuig.
Usa ka law Professor.Dugang pa niini, bisan og popular pa si Vice President Sara Duterte sa pagkakaron, kinahanglan gihapon nga maghunahuna og lawom ang mga botante kon unsa nga matang sa liderato ang gikinahanglan sa nasud dili lang base sa kasikat, kundi sa husto nga pamaagi sa pagpadagan sa gobyerno