Gipadayag sa usa ka legal expert nga ang labing dakong problema nga giatubang sa nasud mao ang kakulang sa pagsalig o gitawag niini nga “crisis in confidence.”
Gipasabot sa eksperto nga si Atty. Oscar Moreno, nga adunay kakulang sa proseso sa impeachment ug wala kini ma-implementar og insakto hinungdan sa walay klarong dagan sa pagpatuman niini.
Matud sa abogado mao kini ang dakong hagit nga giatubang sa nasud, ang kakulang sa pagdumala sa balaod ug pagpadagan sa proseso sa impeachment gumikan kung nadumalaan kini sa tukmang paagi dako matud pa kini og tabang sa Pilipinas.
Gitumbok usab ni Atty. Moreno nga nagluya kahimtang sa ekonomiya sa Pilinas tungod sa mga isyu sa flood kontrol projects apan ang adunay labing tulubagon niini mao ang mga korap nga mga opisyal sa gobyerno.Â