Gikurat sa superstar sa Los Angeles Lakers nga si LeBron James ang kalibutan sa NBA human siya mag-post og misteryosong mensahe sa social media diin miingon kini nga adunay dakong desisyon nga iyang gihunahuna karon.
Tungod niini, mitungaw ang daghang reaksyon ug espekulasyon gikan sa mga fans, daghan usab ang nangutana kung mao na ba kini ang katapusan nga season ni “King James” sa NBA.
Sa iyang ika-20 ka tuig isip propesyonal nga madudula, si James mao ang unang atleta sa liga nga nakaabot sa ingon kadugay nga karera.
Sa edad nga 40 ug mag-41 na karong Disyembre, daghang nagtuo nga posible na siyang mopahulay sa basketball.
Apan bisan pa niini, nagpabiling kusgan ang iyang performance alang sa Lakers, diin nag-average siya og 24.4 puntos, 8.2 assist, 7.8 rebounds, ug usa ka steal matag duwa.
Dugang pa niini, nagtala siya og 51.3% shooting efficiency ug 37.6% gikan sa three-point line, timailhan nga nagpabilin ang iyang kahanas sa court.