Lalis sa tagay misangpot sa pagpanigbas sa Baungon, Bukidnon

Naangol ang 54 anyos nga lalaki human gitigbas sa iyang kauban sa tagay sa Purok 3, Barangay Lingating, Baungon, Bukidnon niadtong milabayng adlaw.

Base sa inisyal nga imbestigasyon sa Baungon Municipal Police Station, nag-inom ang biktima ug ang 45 anyos nga suspek sa balay sa ilang amigo sa maong lugar sa dihang misamot ang ilang lalis nga misangpot sa panagbangi.

Sa kasukwahi, gikuha sa suspek ang usa ka garab ug gitigbas ang biktima, nga naigo sa tuong kamot ug likod.

Dinaliang gidala ang biktima sa balay tambalanan, samtang gikustodiya na sa Baungon MPS ang suspek alang sa hustong disposasyon.

Gituohang personal nga dumot ang hinungdan sa nahitabong insidente.