Lalaking adunay kaso sa pagpanglugos, sikop sa Kalilangan, Bukidnon

Nasikop sa kapulisan ang usa ka lalaki nga adunay kaso sa pagpanglugos sa Purok 2, Central Poblacion, Kalilangan, Bukidnon kaniadtong milabayng adlaw, alas 2:55 sa hapon.

Matod ni otoridad, ang nadakpan mao si Teopisto Charcos Villamero, 42 anyos, painter ug residente sa Simasay, Zamboanga del Sur. Gidakop siya pinaagi sa warrant of arrest alang sa kasong pagpanglugos nga walay girekomendar nga piyansa. 

Sa pagkakaron, anaa na sa kustodiya sa Kalilangan MPS ang suspetsado alang sa hustong disposasyon.