Usa ka drastikong lakang alang sa “total lifestyle change” ang gihimo sa 49 anyos nga si Skip Boyce gikan sa Utah, U.S.A., human kini nakadesisyon nga magpundo sa iyang kwarto sulod sa 365 ka adlaw. Gisugdan ni Boyce ang iyang gitawag nga “Isolation Year” niadtong Enero 10, 2026, ug gilauman nga mogawas ra siya sa Enero 2027.
Sulod sa usa ka tuig, magpabilin siya sa usa ka self-contained nga kwarto sa panimalay niini nga kompleto og banyo, yano nga lutuan, mini-gym ug streaming setup.
Ang tibuok eksperimento gi-livestream 24/7 sa iyang YouTube channel nga “The Isolation Year” aron masubaybayan sa publiko.
Ang iyang asawa, nga kauban gihapon sa balay, maoy nagsilbing support system nga nagaabot sa pagkaon ug mga suplay sa gawas sa pultahan niini.