Sikop ang usa ka 53-anyos nga lalaki human nakuhaan og mga ilegal nga sigarilyo sa gipahigayong operasyon didto sa Purok Mauswagon, Barangay Cabadiangan, Kadingilan, Bukidnon.
Nakuha gikan sa posisyon sa suspek ang 23 ka reams ug 19 ka pakite sa mga gituohang smuggled nga sigarilyo nga walay government health warning.Base sa banabana sa mga otoridad, mukabat ngadto sa Php 13,440 ang kinatibuk-ang kantidad sa maong mga kontrabando.
Nahitabo ang pagdakop human mapamatud-an nga namaligya ang suspek sa maong mga ilegal nga produkto apan napakyas kini sa pagpakita og bisan unsang legal nga dokumento sa dihang gihimo ang beripikasyon.
Ang dinakpan, uban ang mga nakumpiskang sigarilyo, gidala na ug gitugyan ngadto sa Municipal Health Office (MHO) sa Kadingilan alang sa saktong disposisyon ug dokumentasyon.