Garbo sa Texas ang nagpaabot karon sa opisyal nga kumpirmasyon gikan sa Guinness World Records human malampusong napilo ang usa ka lalaki og 250 ka mga papel nga eroplano sa sulod lang sa usa ka oras niadtong miaging Sabado.
Si Richard DeFreece nagpakita sa iyang talagsaong kaabtik diin nakahimo kini og upat ka paper planes matag minuto.
Kini nga gidaghanon milapas sa gikinahanglan nga target sa Guinness nga 200 ka buok aron makuha ang titulo.Sumala sa taho, dili lang basta pagpilo ang gihimo ni DeFreece. Aron maisip nga balido ang matag eroplano,
kinahanglan kining molupad. Matud pa ni DeFreece, dako kini nga garbo alang kaniya tungod kay bata pa lang kini, damgo na niini nga makakuha og kaysaysayan sa world records.
Sa pagkakaron, ang ebidensya sa iyang kalampusan ginasusi pa sa komite sa Guinness sa dili pa kini hingpit nga i-deklara nga usa ka bag-ong world rekord.