Lalaki sa China, giila nga “Human 3D Printer” tungod sa pag-ukit gamit ang ngipon 

Nahimong viral online ang 25-anyos nga content creator nga si Chen Qin human giila nga “human 3D printer” tungod sa  talagsaong talento sa pag-ukit og detalyadong sculptures gikan sa carrots gamit lamang ang iyang mga ngipon.

Nadiskubrehan kini ni Chen sa usa ka livestream niadtong Spring Festival, ug sukad niadto, nakahimo na kini og kapin sa 100 ka obra, lakip na ang mini replica sa Great Wall of China.

Aron mapanalipdan ang mga ngipon gikan sa pagkaguba, mabinantayon si Chen sa gikaon ug kanunay nga manglimpyo sa baba human sa pag-ukit.

Gipasalig usab niini nga walay nausik nga pagkaon sa iyang mga artworks tungod kay iya kining isagol sa pagluto human ma-video, samtang ang mga  salin-salin kay ipakaon usab sa mga baboy ug manok.