Lalaki patay, gituohang giatake sa epilepsy ug nalumos sa Don Carlos, Bukidnon

Nakaplagan ang patay’ng lawas sa usa ka 50-anyos nga lalaki sa humayan sa Purok 9A, Barangay Sinangguyan lungsod sa Don Carlos sa milabay’ng adlaw.

Base sa inisyal nga imbestigasyon, adunay epilepsy ang biktima sumala sa iyang mga ig-agaw ug silingan.

Gituohang samtang nagtrabaho siya sa iyang uma sa miaging adlaw, giatake sa iyang sakit, natumba nga naghapa ug nalumos sa tubig sa humayan.

Gidala pa ang biktima ngadto sa Maramag Provincial Hospital apan gideklara nang patay sa attending physician.

Sa karon gipalawman pa ang imbestigasyon ang kapolisan sa maong insidente.