Nakaplagan ang usa ka patay’ng lawas sa daplin sa national highway sa Purok 9, Barangay Dologon, Maramag, Bukidnon. Sumala ni PCOL Jovit L. Culaway, Provincial Director sa Bukidnon Police Provincial Office, ngadto kang Regional Director PBGEN Jaysen C. De Guzman ang nahitabo.
Ang biktima usa ka lalaki, hamtong na ang edad, ug gitumbok nga adunay problema sa panghuna-huna. Base sa inisyal nga imbestigasyon, ang lalaki nagsul-ob og itom nga shorts, gibanabana nga 30 anyos ang edad, 5’3 ang gitas-on, walay permanenteng puy-anan, ug nakita nga nagbuy-od sa kalsada.
Sa pag-abot sa kapulisan ug mga responders, nadala pa ang biktima sa balay tambalanan, apan gideklarar nga dead on arrival sa doktor nga mitan-aw kaniya. Subay nini padayon usab ang imbestigasyon sa kapulisan kabahin sa maong panghitabo. Ang maong insidente nahitabo niadtong alas 3:40 sa hapon Mayo 5, 2025.