Napugos ang mga magtiayon nga kalimtan ang date sa sine ug panihapon sa Valentine’s Day human nga gireserba sa mga prankster nga single ang tanang odd-numbered seats sa primetime screening sa usa ka sinehan, hinungdan nga kinahanglan magbulag sila’g lingkod.
Usa ka grupo sa mga single ang nagkasinabot sa pagpalit sa tanang tiket sa 7:30pm screening sa Beijing Love Story, usa ka romantikong pelikula nga dako ug budget didto sa Shanghai Xintiandi cinema.
Sa seating chart nga gipost online, makita nga alternado ang bakante nga mga lingkoranan, nga nagtumong nga dili magkaduol ang mga manag-uyab.
Gipaila ni UP ang iyang kaugalingon isip usa ka “computer nerd”, ug giangkon nga nakigbuwag siya sa iyang uyab niadtong miaging tuig.
Matd ni UP, lisod himuon ang maong kalhukan tungod wala kini igo nga kuwarta aron mopalit sa daghang tiket. Wala usab gihatagan og pagtagad kini sa cinema staff ug online system ang iyang hangyo nga odd-numbered seats lang ang iyang mapalit.
Tungod niini, migamit siya og group-buying website ug dali ra siyang nakakuha og daghang supporter sa iyang plano.
Usa ka empleyado sa sinehan misulti sa Xi’an Daily nga adunay dako nga discount ang even-numbered seats tungod sa panghitabo.
Mihagit kini reaksyon sa Sina Weibo, ang pinakasikat nga microblogging platform sa China.
Aduna usab mikomento nga usa kini ka wais nga plano, samtang ang uban mitawag niini nga sadista ug walay ayo nga binuang.