Gidakop sa mga otoridad ang usa ka lalaki nga adunay warrant of arrest tungod sa kasong resistance and disobedience to a person in authority didtu sa Talakag, Bukidnon.
Matud PMAJ Kevin P. Bangsoy, Hepe sa Talakag Municipal Police Station, nga uban ang mga sakop sa 1004th Maneuver Company, RMFB 10, Task Group Manhunt, ug ang Provincial Intelligence Unit sa maong operasyon.
Adunay warrant of arrest batok sa suspek nga si James Serona Tinoy, 28 anyos, single, ug residente sa Camp Suarez, Barangay 2, Talakag, Bukidnon.
Ang warrant gipagawas sa korte niadtong Pebrero 20, 2025 diin adunay girekomendar nga pyansa nga nagkantidad sa ₱3,000.00. Anaa na ang suspetsado sa Talakag Municipal Police Station alang sa dokumentasyon ug tukmang disposisyon.