Laing 120 ka OFWs, gipaabot nga makauli gikan sa Middle East sa Marso 19 pinaagi sa government charter flights

Gipadayag ni Palace Press Officer Usec. Claire Castro sa usa ka press briefing sa Mandaue City, Cebu ning adlaw nga Martes, Marso 17, 2026, nga mobalik sa Pilipinas ang mga 120 ka Filipino sa Marso 19.

Kini mudugang sa kinatibuk-ang ihap sa nakauli nga mga OFW gikan sa Middle East ngadto sa 899.

Gidugang niini, nga adunay duha ka charter flights gikan sa UAE ug Saudi Arabia karong semana, ug giandam sa gobyerno ang temporary shelter, pagkaon, ug medikal nga tabang alang sa mga muuli nga OFW.

Sigon usab ni Castro, nga ang programa sa repatriation usa ka kabahin sa paningkamot sa gobyerno aron masiguro ang kaluwasan sa mga Filipino sa gawas sa nasud tungod sa nagpadayon nga tensyon ug risgo sa seguridad sa Middle East.