Gipanawagan karon sa labor sector ang pagpausabaw sa suholan sa mga mamumuo tungod sa padayon nga pagsaka sa presyo sa mga batakang palaliton ug serbisyo sa nasud.
Sumala kang Nick Borja, labor consultant, dili na makiangayon nga nagkataas ang presyo sa mga palaliton, pamasahe sa transportasyon, ug uban pang gastuon sa panginabuhi samtang nagpabiling ubos ang suholan sa mga mamumuo.
Matud niini, nga bisan pa man wala pa’y opisyal nga petisyon nga napasaka karon ngadto sa mga otoridad, giawhag niini ang mga mamumuo ug labor groups nga maghiusa aron magsumite og pormal nga petisyon alang sa wage increase.
Gipasabot usab ni Borja, nga dako ang papel nga kinahanglan buhaton sa Regional Tripartite Wages and Productivity Board kon RTWPB sa pagtan-aw ug paghatag og angay nga aksyon sa kahimtang sa suholan.
Dugang pa niini, nga kung magpadayon ang pagsaka sa inflation, kinahanglan nga matubag kini pinaagi sa hustong pag-adjust sa suholan aron dili maapektuhan pag-ayo ang kahimtang sa mga trabahante nga nagsalig lamang sa sweldo.