Labihan ka taas nga pletehan sa Dugumbaan, gikabalak-an sa mga biyahedor

Nagpadayag og kabalaka ug reklamo ang mga pasahero sa Barangay Dagumbaan human gipagawas ang bag-ong Fare Matrix sa Dagumbaan Tricab Operators and Drivers Association (DATODA).

Sumala sa maong dokumento nga aprobado ni Barangay Captain Michael C. Ramos, namatikdan ang dako nga pagsaka sa pletehan gikan sa Dagumbaan padulong sa nagkalain-laing dapit sa lungsod sa Maramag.

Tungod sa maong usbaw, daghang mga residente ang mibati og kabug-at sa gasto, diin ang uban nagkanayon nga mas maayo pa ang pagbaklay og sayo sa kaadlawon kaysa mobayad sa mahal nga pletehan.