Nakurat ang mga shoppers sa Upstate New York sa usa ka talagsaong panghitabo, samtang naglibot sa usa ka lokal nga antique store diin tapad sa usa ka cookie jar nga porma manok, adunay buhi nga kwago nga malinawon nga natulog sa usa ka estante nga daw usa ka item nga gidisplay sa maong tindahan.
Sumala sa Department of Environmental Conservation sa estado, nga nabantayan sa mga kustomer sa The Market Place ang kwago nga giisip usa ka item nga baligya nga daw buhi ug hulagaway og tungod niini gipahibalo ang mga trabahante sa tindahan.
Pag-abot sa mga opisyal sa environmental conservation police, ilang nakita ang brown-and-white nga kuwago nga naglingkod sa estante ug tulog kini.
Matud sa departamento nga hinay-hinay nilang gihawiran ang natulog nga kuwago aron kuhaon kini gikan sa tindahan, ug dayon giluwas nga gipalupad kini ngadto sa usa ka duol nga kahoy.
Ang langgam, nga usa ka eastern screech owl, usa ka nocturnal ug kasagarang nagapugad sa lungag sa kahoy.
Wala pa usab nasayri kung giunsa niini pagsulod sa tindahan.