Gideklara sa Korte Suprema nga pinal na ug dili na pwede apelahan ang ilang desisyon nga nagbasura sa impeachment complaint batok kang Bise Presidente Sara Duterte.Sa gipahigayon nga Supreme Court En Banc session niadtong Miyerkules, gibasura sa mga mahistrado ang motion for reconsideration nga gipasaka sa kamarabaha.
Matud pa ni Atty. Camille Sue Mae Ting, ang tigpamaba sa Korte Suprema, “unanimous” o nagkahiusa ang mga mahistrado sa pagdumili sa maong hangyo. Gipasabot usab niini nga dili na mudawat ang korte og bisan unsa pa nga dugang pleadings mahitungod niini nga kaso.Gibarugan sa korte nga ang ika-upat nga impeachment complaint nga gipadala ngadto sa Senado niadtong Pebrero 5, 2025, nakalapas sa “one-year bar rule” nga gilatid sa Article 11, Section 3, Subsection 5 sa Konstitusyon.
Ubos niini nga lagda, dili pwede mupasaka og sobra sa usa ka impeachment proceeding batok sa opisyal sulod sa usa ka tuigTungod niini, ang resolusyon sa Korte Suprema “immediately executory” o kinahanglan nang ipatuman dayon human kini mapadala sa tanang partido pinaagi sa digital service.