Aprobado na sa konseho sa Malaybalay City ang giduso nga ordinansa ni City Councilor Rendon Sangalang.
Kahinumduman nga giduso sa konsehal ang usa ka ordinansa nga nagdili sa mga motorcycle endurance events sa tanang pampublikong dalan sa siyudad aron masiguro ang kaluwasan sa mga lumulupyo ug uban pang naggamit sa kadalanan.
Tungod sa kamahinungdanon sa maong ordinansa malampuson kining nakalabang sa konseho
Sa gipahigayon nga session kagahapon, gipadayag ni Sangalang ang iyang kabalaka sa Boss Ironman Motorcycle Challenge miresulta sa daghang disgrasya. Giklaro nga adunay mga eksepsyon ang giduso nga ordinansa sa pag-ban sa Boss Ironman Challenge 2026 nga mulabay dinhi sa syudad sa Malaybalay. Gikabutyag sa maong konsehal nga adunay ipahamtang nga mga penalty nga 5,000 pesos ug 10 days nga pagkapreso ug pagka impound sa motorsiklo nga gigamit sa maong event.
Sumala sa lokal nga mga opisyal, daghan nang aksidente ang naitala sa nagkadaiyang lugar sa Bukidnon nga nalambigit ang mga kalahok sa BIMC 2026, hinungdan nga nakahukom ang mga lokal nga kagamhanan nga ipatuman ang pagdili alang sa kaluwasan sa tanan ug paglikay sa mas grabe pang mga insidente sa kadalanan.